ლიტერატურის კრიტიკოსი, მკვლევარი და პედაგოგი. იგი უკვე ორი ათწლეულზე მეტია, რაც ბათუმის შოთა რუსთაველის სახელმწიფო უნივერსიტეტში ასწავლის და დღეს ფილოლოგიის პროფესორის აკადემიურ თანამდებობას იკავებს.
მისი სამეცნიერო ინტერესები მოიცავს ლიტერატურულ კრიტიკასა და ლიტერატურულ სოციოლოგიას. ნანა აქტიურად მონაწილეობს საერთაშორისო კონფერენციებში, ახორციელებს საგრანტო პროექტებს და მუდმივად ავითარებს ლიტერატურულ-თეორიულ დისკურსს. მისი ნაშრომები გამოქვეყნებულია როგორც ქართულ, ისე საერთაშორისო სამეცნიერო გამოცემებში, ხოლო წიგნებს შორის განსაკუთრებით აღსანიშნავია „ლიტერატურა ლიტერატურის შესახებ“ და „ლიტერატურა და ლიტერატურა“, რომლებმაც მას ლიტერატურული პრემია „საბა“ ორჯერ მოაპოვებინა (2017, 2020).
ნანა ტრაპაიძე მრავალი კრიტიკულ-თეორიული ანთოლოგიისა და ლიტერატურული კლუბის მასალების ავტორი და რედაქტორია. მისი აქტივობები უნივერსიტეტს სცილდება და მოიცავს ახალგაზრდებისთვის საჯარო ლექციებს, სეზონურ სკოლებსა და ლიტერატურულ პროექტებს, რომლებიც ახალი თაობის ინტერესს აღვივებს.
დღეს იგი სიტყვის აკადემიაშიც განაგრძობს მოღვაწეობას და გევხმარება ისეთი სივრცის შექმნაში, სადაც ღირებულებითი განათლება, თანამედროვე მიდგომები და მეთოდოლოგიები ერთიანდება.
