კვირეულის მეორე საღამოც ინტერაქტიულ ფორმატში გაიმართება, სადაც ფილოსოფიისა და ლიტერატურის ორი გამორჩეული წარმომადგენელი – ლევან გიგინეიშვილი და გია მურღულია, ისაუბრებენ გალაკტიონის გენიალურ შემოქმედებაზე.

ისინი ერთად გაანალიზებენ მის უნიკალურ სტილს, პოეტურ ენას, მისტიკურ განზომილებებს და იმ საიდუმლოს, რომელიც გალაკტიონის სიტყვას დღემდე უჩვეულო ძალას ანიჭებს. საღამო შეეხება როგორც გალაკტიონის ცნობილ, ისე ნაკლებად ცნობილ ლექსებსაც.

საღამოს მუსიკალურად გააფორმებს ყველა დროის საუკეთესო ქართველი ჯაზვუმენი – მაია ბარათაშვილი, რომელიც შეასრულებს ქართულ კომპოზიციებს და მათ შორის ნაწარმოებს, რომელიც გალაკტიონის ლექსის მიხედვით არის შექმნილი.

 ორივე საღამოს ფარგლებში სტუმრებს ექნებათ შესაძლებლობა დასვან კითხვები, გააზიარონ თავიანთი აზრები და გახდნენ შეხვედრის ცოცხალი მონაწილეები.