დავითმა ი. ვეკუას სახელობის სკოლის დასრულების შემდეგ თბილისის სახელმწიფო სამედიცინო უნივერსიტეტი დაამთავრა და წარმატებით ჩააბარა ამერიკის სალიცენზიო გამოცდები. მიუხედავად იმისა, რომ თავდაპირველად მისი მიზანი ამერიკაში სამედიცინო კარიერის გაგრძელება იყო, „სიტყვის აკადემიის“ დაარსების იდეამ გადაწყვიტა მისი გზა და საქართველოში დარჩენა არჩია.
დღეს იგი აკადემიის ფუნქციონირებას კოორდინირებს უნიკალური ნიჭებისა და შესაძლებლობების მქონე გუნდთან ერთად. დავითის ხედვაა, რომ „სიტყვის აკადემია“ იქცეს ქართულ საგანმანათლებლო სივრცეში უპრეცედენტო მაგალითად — სივრცედ, რომელიც აერთიანებს ხარისხიან განათლებას, ღირებულებებსა და ნამდვილ ურთიერთობებს.
