გამოცდილი ფსიქოლოგი და ფსიქოთერაპევტი, რომელიც ბავშვებისა და მოზარდების მხარდაჭერას თავისი პროფესიული მისიად მიიჩნევს. მისი საქმიანობა უკვე ორი ათწლეულზე მეტია მოიცავს როგორც ინდივიდუალურ კონსულტირებას, ისე საგანმანათლებლო სივრცეში ქცევით და აკადემიურ ინტერვენციებს.
ნინოს ფართო გამოცდილება აქვს სპეციალური საგანმანათლებლო საჭიროებების სფეროში. მისი ხელმძღვანელობით შექმნილია SEN-დეპარტამენტი თბილისის ბრიტანულ საერთაშორისო სკოლაში, სადაც იგი მუშაობს როგორც ფსიქოლოგი და სპეციალური საჭიროებების კოორდინატორი. ის ატარებს ტრენინგებს მასწავლებლებისთვის, კლასის ასისტენტებისა და მშობლებისთვის, რათა მაქსიმალური მხარდაჭერა გაუწიოს ნეიროდივერსიულ და განსხვავებული საჭიროებების მქონე მოსწავლეებს.
მისი პროფესიული გზის მნიშვნელოვანი ეტაპებია ბავშვთა ფსიქოლოგად მუშაობა ქართულ-გერმანულ რეაბილიტაციის ცენტრში (KRZ) და კომპანია Redix-ში, სადაც მან შეიმუშავა სასწავლო პროგრამები ბავშვების კოგნიტური, სოციალური და ემოციური განვითარების ხელშესაწყობად.
ნინო დუმბაძე სერტიფიცირებულია პოზიტიურ ფსიქოთერაპიასა და ბავშვთა კონსულტირებაში, ასევე ფლობს Mind Your Health/COBIS-ის სერტიფიკატებს ფსიქიკური ჯანმრთელობის პირველადი დახმარების მიმართულებით. იგი პრაქტიკაში აერთიანებს აკადემიურ ცოდნას, მტკიცებულებაზე დაფუძნებულ ინტერვენციებს და კრეატიულ თერაპიულ მიდგომებს, მათ შორის არტ-თერაპიას.
თავისუფლად ფლობს ქართულ, ინგლისურ და რუსულ ენებს, მუდმივად ავითარებს საკუთარ პროფესიულ უნარებს დიდ ბრიტანეთსა და ევროპის სხვადასხვა აკადემიურ პროგრამებში. მისი მიზანია ბავშვებისა და მოზარდების კეთილდღეობის, გამძლეობისა და თვითშემეცნების ხელშეწყობა, ასევე ოჯახებისა და პედაგოგების მხარდაჭერა.
